Rekruttering i Ryfylke

Der er mange spennande jobbar i Den Norske. Kyrkja. Mange av jobbane handlar i stor grad om kontakt med menneske. Men der er og mange som jobbar med administrasjon og rekneskap, som anleggsgartnar på gravlundar, eller med musikk. Dei fleste stadene er der nokså små stabar, det gjer at me vert godt kjende, og har mykje kontakt i kvardagen. Kyrkja er tilstades i glede og sorg, alt frå babysong, konfirmasjon, formiddagstreff foreldre, jul og begavelsar.

Yrker  i kyrkja

Organisten eller Kantor er musikalsk ansvarleg for kyrkjelyden. Han speler på gudstenestar, øver med solistar eller band, dirigerer kor og speler på institusjon.

Presten har eit overordna ansvar for kyrkjelyden. Han har hovudansvar for gudstenesta, er med på barne/ungdomsarbeidet, har samtale med dei som skal gifta seg, ha dåp eller familien til ein som er gått bort. Presten formidlar bodskapen i Bibelen, og møter folk i alle slags situasjonar. Du må vera glad i menneske for å kunne vera prest.

Diakonen er ansvarleg for kyrkja si omsorgsteneste. Nokre diakonar arrangerer formiddagstreff og andre sosiale arrangement for vaksne og eldre. Andre jobbar mest med ungdom. Diakonen organiserer gjerne kyrkja si besøksteneste, har andakt på institusjonar, og har samtalar med folk som ønsker det.

Trusopplærar eller kateket har ansvar for kyrkja si undervisningsteneste. Dei har gjerne babysong, barneklubb, lys våken og har ansvar for konfirmantane saman med presten. Likar du å jobbe med barn og ungdom, er kateket eller trus-opplærar. noko for deg! Forskjellen mellom dei er at Kateketen har ein mastergrad med pedagogikk særleg inn mot kyrkjelege undervisning.

Administrative, økonomiske og leiarstillingar finst det fleire av i kyrkja. Kyrkjeverje er ein av dei. Det er sjefen på kontoret. Då har du leiaransvar for dei andre, utanom presten. Du har ansvar for økonomien, kyrkjebygga og kyrkjegardane. Du sit mest på kontoret og ”dreg i trådane”, får folk til å fikse ting, fører rekneskap, har medarbeidarsamtalar og mykje meir. Ein viktig stilling i kyrkja.

‍