Rekruttering i Ryfylke

Kva er studiespesialiering?

Har du lyst til å studere vidare på høgskule eller universitet?  Då er studiespesialisering programmet for deg.  Nokre av faga må alle som går studiespesialisering ha. Desse vert kalla fellesfag. Frå andre klasse er det slik at over halvdelen av dei faga du har er fag du sjølv har vald å fordjupe deg i. Desse vert kalla programfag. Vi har to hovudområde innanfor programfaga. Du kan enten velje fordjuping i realfag eller språk, samfunn og økonomi. Innanfor realfag kan du til dømes velje matematikk, biologi, kjemi og fysikk, medan du innanfor språk, samfunn og økonomi kan velje fag som sosiologi og sosialantropologi, politikk og menneskerettar, psykologi og engelsk. I tillegg kan du velje ei rekke ulike nettfag innanfor dei to programområda.  Felles for begge programområda ved Sauda vgs, er at undervisninga går føre seg i relativt små grupper, slik at lærarane har god tid til å følgje opp kvar einskild elev.

Kva kan eg arbeida med?

Når du er ferdig med studiespesialisering kan du gå vidare på universitet og høgskule. Nokre høgare utdanningslinjer har krav til kva fag du må ha tatt og karakterer på vidaregåande, noko det kan vera lurt å setje seg inn i saman med rådgjevaren på din skule. Det er ofte studiet eller graden du tek på universitet eller høgskule som avgjer kva yrkesretning du tek. Med studiespesialisering kan du mellom anna ta høgare utdanning som gjer at du kan bli sjukepleiar, lege, jurist, økonom, lærar, psykolog, forskar, med meir.

Kva moglegheiter har eg etter fullført utdanning?

Etter fullført studiespesialisering har du fått anten generell eller spesiell studiekompetanse som kvalifiserer til vidare utdanning ved universitet og høgskular.

Kva moglegheiter finn eg i Ryfylke?

Nedanfor finn du ei oversikt over aktuelle utdanningsval og arbeidsplasser relevante for studiespesialisering i regionen vår.