Rekruttering i Ryfylke

Kva er handverk, design og produktutvikling?

Er du kreativ og glad i å arbeide med henda? På HIP får du arbeide med tradisjonsrike handverksfag heilt frå idé til ferdig produkt. Dette studieprogrammet passar for deg som likar å arbeida med ulike materiale og teknikkar, og har lyst til å utforska nye idear og design. Du får arbeida praktisk med ulike materialar. Her blir du kjent med tradisjonelle og nyare teknikkar innan tekstil, tre, metall, leire, 3D-print, laser med meir. Du vil utvikle din kreativitet gjennom designprosessar, lære å kvalitetssikre og dokumentere arbeidet ditt.

Kva kan eg arbeide innanfor?

Med denne fagutdanninga kan du få jobb innanfor ei rekke praktiske yrke der du utviklar ulike prosukt. Det kan vera som urmaker eller gullsmed, som drakt - eller bunadsyar, møbelsnekker eller treskjærar eller som keramikar, skomaker eller smed.

Kva moglegheiter har eg etter fullført utdanning?

Yrkesfagleg opplæring fører fram til yrkeskompetanse, med eller utan fag - eller svennebrev. Når du er ferdig med yrkesfagleg opplæring har du følgjande val:

• Du kan gå ut i arbeid.
• Du kan søke opptak til enkelte utdanningsinstitusjonar. Y-vegsstudier er tilpassa deg som har relevant fagbrev, svennebrev eller yrkeskompetanse, men manglar generell studiekompetanse.

• Du kan søke VG3 eller VG4 påbygg for å få generell studiekompetanse.
• Du kan søke deg inn på fagskule.

Kva moglegheiter finn eg i Ryfylke?

Trykk her for ei oversikt over aktuelle utdanningsval og arbeidsplasser relevante for handverk, design og produktutvikling i regionen vår.

‍