Rekruttering i Ryfylke

Kva er teknologi- og industrifag?

Teknologi- og industrifag (TIF) er eit fagfelt som passar for deg som er interessert i å arbeide med produksjon, automatisering og prosessar innanfor ei rekke ulike område. Dette kan vera mellom anna robotikk, maskinar, produksjonsutstyr, kjøretøy, kjemiske prosessar, helse og miljø. Faget er for deg som er praktisk anlagt, arbeider sjølvstendig og er interessert i ny teknologi.

Maritime fag

Fagretninga har eit vg2 løp for maritime fag som skal bidra til å utdanne ungdom til arbeid som knytt til yrker rundt transport og operasjonar til havs, på skip, på verft som bygger skip, til produksjon av utstyr og tenesteytande verksemder.

Kva kan eg arbeida innanfor?

Dette er eit utdanningsprogram som fører fram til yrke innan teknisk industri, skipsindustri, bilindustri, kjemisk prosessindustri og i oljebransjen. Helse, miljø og sikkerheit står sentralt i desse yrka og i faget ligg både opplæring i produksjon og reparasjon.

Kva moglegheiter har eg etter fullført utdanning?

Yrkesfagleg opplæring fører fram til yrkeskompetanse, med eller utan fag - eller svennebrev. Når du er ferdig med yrkesfagleg opplæring har du følgjande val:

• Du kan gå ut i arbeid.
• Du kan søke opptak til enkelte utdanningsinstitusjonar. Y-vegsstudier er tilpassa deg som har relevant fagbrev, svennebrev eller yrkeskompetanse, men manglar generell studiekompetanse.

• Du kan søke VG3 påbygg for å få generell studiekompetanse.

Kva moglegheiter finn eg i Ryfylke?

Nedanfor finn du ei oversikt over aktuelle utdanningsval og arbeidsplasser relevante for TIP i regionen vår.