Rekruttering i Ryfylke

Om skulen

Sauda vidaregåande skule er ein kombinert skule med både yrkesfaglege og studieførebuande utdanningsprogram. Skulen er lokalisert på tre ulike avdelingar.  

Hovudskulen ligg på Lofthus i Sauda, og i tillegg har me avdelingar på Birkeland i Sauda og på Sand.

Skulen har undervisningstilbod innan: studiespesialisering, idrettsfag, bygg- og anleggsteknikk, elektro og datateknologi, teknologi- og industrifag, helse- og oppvekstfag samt tilbodet «yrkes- og studiekompetanse» innanfor industri- og teknologifag (YSK).

‍

Innanfor teknologi og industrifag har me følgande undervisningstilbod:

VG1                TEKNOLOGI- OG INDUSTRIFAG
VG2                INDUSTRITEKNOLOGI
VG2                KJEMIPROSESS- OG LABORATORIEFAG

VG1                TEKNOLOGI- OG INDUSTRIFAG, YRKES-OG STUDIEKOMPETANSE (YSK)
VG2-VG4      INDUSTRITEKNOLOGI, YRKES- OG STUDIEKOMPETANSE (YSK)
VG2-VG4      KJEMIPROSESS, YRKES OG STUDIEKOMPETANSE (YSK)

‍

Om teknologi og industrifag

Har du praktisk sans og godt handlag? Er du interessert i å arbeide med teknologisk utstyr?
Dette utdanningsprogrammet er vegen til ei rekke spennande yrke.

Du lærer om:  

• om produksjonsplanlegging og produksjonsprosessar

• om automatisering og programmering av robotar

• om maskiner og produksjonsutstyr

• om logistikk og transport

• om kjemiske prosessar og kjemiteknikk

• om helse, miljø og tryggleik

Innanfor teknologi- og industrifag har me på ordinært løp fleire ulike valmoglegheiter for vg2. På vg2 har elevane to periodar med praksis ute i bedrift undervegs, og skulen har tett samarbeid med lokalt næringsliv.  

Både Sauda og Suldal har bedrifter som er avhengige av å få tak i nok arbeidskraft som kjem frå desse linjene.  

I tillegg til det ordinære løpet har me også eit tilbod kalla YSK. Dette tilbodet gir elevane spesiell studiekompetanse, samt fagbrev i løpet av dei fire åra dei er elevar. Elevane vekslar mellom å få opplæring i bedrift og på skulen frå dag ein. Skuledagane har variert innhald med yrkesfagteori og praksis i verkstad kombinert med studiespesialiserande fag.  

Sjå nettsida til skulen for meir informasjon om opptakskrav, organisering og fordelar.

‍

Å vere elev ved Sauda vgs

Sauda vidaregåande skule har årleg mellom 400-450 elevar.  

Av desse kjem over 50 % frå andre kommunar enn Sauda og Suldal. Me har med andre ord mange elevar som bur på hybel, og me gjer mykje for at elevane skal ha eit godt tilbod også etter skuletid.  

Me arrangerer:

• Leksehjelp

• Idrettsaktivitetar i Saudahallen

• Kveldskafé på Alfred med eit varmt måltid

• mekkekveld

• I vintersesongen har me tilbod om skyss til og frå Sauda skisenter for dei som vil stå på ski.  

• I skuletida arrangerer me i periodar ulike formar for turneringar i til dømes biljard, bordtennis og golfsimulator.  

• Skulen har eige musikkrom som elevane kan bruke, og lærarkrefter er med på å drifte skuleband.  

For dei elevane som kjem flyttande til Sauda har me tilbod om eigen elevbustad som elevane kan søke om å få leige hybel i. Her får elevane frukost fire dagar i veka og dagleg tilsyn. Me har også eigen vakttelefon som kan brukast døgnet rundt.  

Skulen er elles behjelpelege med å skaffe hybel til dei som treng det, og me har liste over privathyblar i Sauda som dei som vil får tilgang til.  

‍

‍

‍

‍