Rekruttering i Ryfylke

Kva er naturbruk?

Naturbruk passar for deg som ønskjer ei fagutdanning der arbeid med og i naturen står i sentrum. Du må vera praktisk anlagt, interessert i arbeid utadørs og ha omsorg for menneske, dyr og miljø. Innanfor dette fagfeltet vil du lære om korleis naturen er sett saman, der du får innsikt i naturmateriale, landskapsutforming, planteliv, naturprosessar og biologisk produksjon. Du vil også lære om dyrestell, dyrevelferd, fiske- og friluftsliv.

Kva kan du arbeide innanfor?

Naturbruk er vegen for deg som ønskjer å jobbe innanfor landbruk og havbruk. Med denne utdanninga kan du få jobb som gartner og agronom, skogsoperatør, hovslanger, heste- og dyrefaglært, fagarbeidar i reinsfaget og fiskar eller fagarbeidar i akvakultur.

Kva moglegheiter har eg etter fullført utdanning?

Yrkesfagleg opplæring fører fram til yrkeskompetanse, med eller utan fag - eller svennebrev. Når du er ferdig med yrkesfagleg opplæring har du følgjande val:

• Du kan gå ut i arbeid.
• Du kan søke opptak til enkelte utdanningsinstitusjonar. Y-vegsstudier er tilpassa deg som har relevant fagbrev, svennebrev eller yrkeskompetanse, men manglar generell studiekompetanse.

• Du kan søke VG3 eller VG4 påbygg for å få generell studiekompetanse.
• Du kan søke deg inn på fagskule.

Kva moglegheiter finn eg i Ryfylke?

Nedanfor finn du ei oversikt over aktuelle utdanningsval og arbeidsplasser relevante for naturbruk i regionen vår.

‍

‍