Rekruttering i Ryfylke

Kva er informasjonsteknologi og medieproduksjon?

Informasjonsteknologi og medieproduksjon er for deg som er glad i å arbeide med data og teknologiske verkemiddel, som er kreativ og glad i skape innhald. I denne yrkesutdanninga får du større innsikt i data og teknologi med tema som brukarstøtte, nettverk, IT-tryggleik og programmering. Du lærer også  om idéutvikling og kreativ problemløysing der de har fokus på innhaldsformidling og historieforteljing, foto, film og grafisk design. Du vil også få kunnskap om kommunikasjon og marknadsføring.

Kva kan du arbeida innanfor?

Med denne fagutdanninga kan du få jobb innanfor ei rekke yrke der ein arbeider med data og digitale uttrykk. Dette kan vera på IT-sida som IT-utviklar eller IT-driftsteknikar. Du kan også arbeide innanfor innhaldsproduksjon som mediedesignar, mediateknikar, medieprodusent eller hjå andre verksemder som har ein marknadsavdeling eller fokus på produksjon av innhald.

Kva moglegheiter har eg etter fullført utdanning?

Yrkesfagleg opplæring fører fram til yrkeskompetanse, med eller utan fag - eller svennebrev. Når du er ferdig med yrkesfagleg opplæring har du følgjande val:

• Du kan gå ut i arbeid.
• Du kan søke opptak til enkelte utdanningsinstitusjonar. Y-vegsstudier er tilpassa deg som har relevant fagbrev, svennebrev eller yrkeskompetanse, men manglar generell studiekompetanse.

• Du kan søke VG3 eller VG4 påbygg for å få generell studiekompetanse.
• Du kan søke deg inn på fagskule.

Kva moglegheiter finn eg i Ryfylke?

Nedanfor finn du ei oversikt over aktuelle utdanningsval og arbeidsplasser relevante for informasjonsteknologi og medieproduksjon i regionen vår.

‍

‍

‍