Rekruttering i Ryfylke

Hjå oss kan ein arbeide som mekanikar, seljar av maskiner, ATV og traktor eller som butikkmedarbeidar. Er du interessert i landbruksmaskiner eller hagereidskaper? Vil du jobbe som landbruksmekanikar eller kanskje som traktorseljar? Då kan me kanskje gi deg gode råd på vegen.

Autagro Møgedal har verkstad med mykje god kompetanse, ein innhaldsrik butikk og gode rådgjevarar innan køyretøy, reiskaper, fjosinnreiingog fòringssystem for stor - og småfe. Autagro Møgedal har alltid vore gode på sal og vedlikehald av køyretøy som snøscooter, ATV og traktor, i tillegg til reiskaper for landbruket. I dag har Autagro Møgedal også eit stort utval av produkt og tenester til hytte, hage og hus.

‍

Verkstad og service

Autagro Møgedal tilbyr verkstadtenester med både god kompetanse og service. Bedrifta har kapasitet til å ta inn det aller meste på verkstaden, frå mindre maskiner som robotklippar, motorsag og kantklippar til ATV, traktor og snøscooter. Våre mekanikarar får varierte oppgåver, og må kunne skru på alt frå motorsager til traktorar og ATV.  Autagro Møgedal er også ei godkjent opplæringsbedrift gjennom BYGGOPP, opplæringskontoret for bygg og anleggsteknikk.

‍

Butikk/Sal

I butikken hjå Autagro Møgedal finn ein det meste ein treng til både hus, hytte, hage og gardsdrift. Tradisjonelt sett har Autagro Møgedal vore gode på maskiner og reidskaper til landbruket og andre primærnæringar, etterkvart har dei også styrka butikken og tilbodet inn mot hus, hage og hytte. I dag har dei eit variert utval av blant anna robotklipparar, motorsager, klede, vernetilbehør, sko, hagereidskaper med meir.

Autagro Møgedal er gode på traktor, ATV, snøscooter og landbruksmaskiner, og seljarane hjå oss har mykje kompetanse som kunden treng.

‍

I-mek

Autagro Møgedal har lang erfaring og god kompetanse med sal, montering og service på innandørs mekanisering (I-mek). Dette gjeld alt frå foring, innredning og gjødsel i landbruket. Produkta som Autagro Møgedal sel og monterer er mesteparten norske produkt.

‍

Leif Bakka har hatt jobben som dagleg leiar i bedrifta sidan 2007. Kvart år arrangerer dei Haustmarknad med god stemning, handel, folkeliv og god mat.

‍