Den gode skulen i indre Ryfylke.
Sauda vidaregåande skule er ein kombinert skule med både yrkesfaglegeog studieførebuande utdanningsprogram som er lokalisert på tre ulike avdelingar. Hovudskulen ligg på Lofthus i Sauda, og i tillegg har me avdelingar på Birkeland i Sauda og på Sand. Skulen har undervisningstilbod innan: studiespesialisering, idrettsfag, bygg- og anleggsteknikk, elektro og datateknologi, teknologi- og industrifag, helse- og oppvekstfag samt det relativt ferske tilbodet «yrkes- og studiekompetanse» innanfor industri- og teknologifag (YSK).
VG1 IDRETTSFAG
VG2 IDRETTSFAG
VG3 IDRETTSFAG
Undervisninga på avdeling for idrettsfag er på hovudskulen på Lofthus i Sauda. Våre elevar på idrettsfag vel om dei ønskjer anten idrettsfag med villmarksliv eller idrettsfag med park- og frikøyring.
Elevane her får studiekompetanse etter tre år på skulen. Undervegs er dei på mange turar og tar kurs og fag som er vinkla inn mot villmarksliv. I tillegg til den vanlege undervisninga på skulen og i Saudahallen får elevane oppleve mellom anna hundekøyring, kanoturar, klatring, brevandring, teltturar og skredopplæring.
Elevane har får studiekompetanse etter tre år på skulen. Undervegs driv dei med freeski, freeride og snowboard. Dei drar på årlege turar til Folgefonna og Norsjø kabelpark, og elles trenar dei året rundt med trampoline, air-track og i basseng. I tillegg får dei i vintersesongen køyre i Sauda skisenter i skuletida.
Elevane på ToppVolley Norge er ikkje elevar på utdanningsprogrammet for idrettsfag, men på studiespesialisering. Sjå meir info i det bransjehuset, på skulen si heimeside eller på toppvolley.no.
Sauda vidaregåande skule har årleg mellom 400-450 elevar. Av desse kjem over 50 % frå andre kommunar enn Sauda og Suldal. Me har med andre ord mange elevar som bur på hybel, og me gjer mykje for at elevane skal ha eit godt tilbod også etter skuletid. Me arrangerer leksehjelp, idrettsaktivitetar i Saudahallen, kveldskafé på Alfred med eit varmt måltid, mekkekveld og i vintersesongen har me tilbod om skyss til og frå Sauda skisenter for dei som vil stå på ski. I skuletida arrangerer me i periodar ulike formar for turneringar i til dømes biljard, bordtennis og golfsimulator. Skulen har eige musikkrom som elevane kan bruke, og lærarkrefter er med på å drifte skuleband. Dette året har sjølvsagt ikkje alle aktivitetar kunne gått som ønska heile tida, men me håper og trur at det meste er oppe og går igjen når hausten kjem. For dei elevane som kjem flyttande til Sauda har me tilbod om eigen elevbustad som elevane kan søke om å få leige hybel i. Her får elevane frukost fire dagar i veka og dagleg tilsyn. Me har også eigen vakttelefon som kan brukast døgnet rundt. Skulen er elles behjelpelege med å skaffe hybel til dei som treng det, og me har liste over privathyblar i Sauda som dei som vil får tilgang til. Elevar på ToppVolley Norge leiger hybel på eigne internat og får servert alle måltid der.
Skulen har over 100 tilsette. Dette gjer skulen til ein av dei større arbeidsgivaren i regionen vår, og me har stadig behov for nye medarbeidarar innanfor ulike fagfelt. Skulen har sjølvsagt mange tilsette som er lærarar, både innanfor filologiske fag og ulike yrkesfag. Her er det nye tilsetjingar så å seie kvart einaste år, og me har stadig behov for ny kompetanse. I tillegg har skulen tilsette som har arbeidsoppgåver innanfor administrasjon, lønn, drift, kantine og reinhald.
VOKSNE
Kristin Bruknapp
kristin.bruknapp@skole.rogfk.no
UNGDOM
Lillian Nordengen
lillian.nordengen@skole.rogfk.no